KannywoodUngategored

Ganduje ya gwangwaje Sadiq Daba ta kyautar miliyan N1

Gwamnan jihar Kano, Dakta Abdullahi Umar Ganduje, ya yi alkawarin bayar da tallafin kudi, miliyan N1, ga tsohon jarumi kuma mai gabatar da shiri, Sadiq Daba.

Ganduje ya dauki alkawarin ne ranar Asabar, 14 ga watan Disamba, yayin taron bayar da kyauta ga jaruman masana’antar Nollywood, wanad aka yi a dakin taro na ‘Coronation’ da ke fadar gwamnatin jihar Kano.

Masu shirya taron sun gabatar da nasarorin da jarumin ya samu yayin da yake kan ganiyarsa kafin Ganduje ya gabatar da kyautar gare shi.

Gwamnan ya bayar da gudunmawar ga jarumin ne a matsayin tallafi ga neman taimakon neman lafiyarsa.

Yayin bikin bayar da kyautar, Daba ya bayyana cewa shi dan asalin jihar Kano ne amma kuma yana zaune ne a garin Jos, jihar Filato.

Tallafin na gwamna Ganduje yana zuwa ne makonni biyu bayan Dakta Joe Okei Odumakin ya yi kira ga ‘yan Najeriya da su tallafa da kudi domin ceto rayuwar jarumin.

NgHausa

I am YusHau Uba, CEO/Founder Of HausaMini.Com.Ng
Back to top button