An Kwato Naira Biliyan 30 Tare Da Asusu 50 Na Banki Daga Wajen Better Edu – EFCC
Hukumar da ke yaki da masu yi wa tattalin arzikin kasa zagon kasa, EFCC, ta ce ta kwato Naira biliyan 30 a kan zargin karkatar da kudaden da ake zargin ministar jin kai, Betta Edu da aka dakatar.
Har ila yau, an bayyana cewa a halin yanzu ana binciken asusun ajiyar banki 50.
An bayyana hakan ne a cikin wata sanarwa mai suna, “EFCC Alert.”
Sanarwar ta yi cikakken bayani kan wasu manyan tsare-tsare da gurfanar da su gaban kuliya da kuma kwato kudaden da hukumar ta yi a cikin watan jiya.
Takardar da Shugaban Hukumar EFCC, Ola Olukoyede ya sanya wa hannu, ta bayyana cewa N30bn da aka kwato yanzu haka suna cikin asusun gwamnatin tarayya.
